Gure hezkuntza programak eta proiektuak
Jarraipen-proiektuak
Giza eskubideetan oinarritutako hezkuntza
Bizikidetzarako liburutegiak
Genero-berdintasuna, kulturen arteko bizikidetza, aukera-berdintasuna eta gizarteratzea ikuspegi ludikotik eta giza eskubideen esparruan lantzeko hezkuntza-programa.
Genero-berdintasunerako hezkuntza
Ez heroirik ez printzesarik
Gazteei eta nerabeei zuzendutako hezkuntza-programa bat da, eta generoarekin eta maitasun erromantikoarekin lotura duten estereotipoak, aurreiritziak eta topikoak zalantzan jartzen ditu eta hauei buruzko gogoeta egiten laguntzen du, baita indarkeria matxistaren justifikazioan duten ondorioak aztertu ere.
Genero-ekitatea eta hezkidetza
Tikis Mikis
Proiektu honen bidez, familiak gure txikien sozializazio-prozesuan hartzen duen garrantziari balioa eman nahi diogu, eta tresna zehatzak eskaini.
Kulturarteko hezkuntza
“Esta boca es mia”
Helburua diskriminazioa prebenitzea, bizikidetza hobetzea eta aniztasunaren potentziala aprobetxatzea da, herritarren eta, oro har, interes berezia duten taldeen pertzepzio, jarrera eta jokabideetan aldaketa sustatuz.
Gizarte Eraldaketarako Hezkuntza
Zero Zona: 2030 agenda. Gazteria eta Gizarte Eraldaketa
Garapen Iraunkorrerako 2030 Agenda pertsonen, planetaren eta oparotasunaren aldeko ekintza-plana da, eta bake unibertsala eta justiziarako sarbidea indartzeko asmoa ere badu. 17 helburu biltzen ditu, 169 xede integratu eta zatiezin biltzen dituztenak, eta zuzenean hiru eremu hartzen dituztenak: soziala, ekonomikoa eta ingurumenekoa.
Kultura arteko hezkuntza
Bere azalean jarri
Proiektua talde ezberdinengan elkarkidetza eta enpatiarako gaitasuna lantzeko sortu zen egungo errefuxiatu krisia dela eta, baita kultur aniztasuna erakutsiz populazioarengan bere aintzatespena eta bere garrantzia azpimarratzeko ere.
Hezkuntza afektibo-sexuala eta genero-ekitatea
Aniztasuna berdintasunean
ANIZTASUNA BERDINTASUNEAN hezkuntza programak sexualitatea ulertzeko eta bizitzeko era ezberdinak erakusten dizkigu; begirunea eta sexualki anitzak diren taldeen onarpena sustatuz, baita berdintasunezko eta indarkeriarik gabeko bikote harremanen eraketa ere.
Gizarte Eraldaketarako Hezkuntza
Kidez Kide
KIDEZ KIDE Gasteizko udalaren Gazteria eta Garapenerako Lankidetzarako Zerbitzuen udal-programa da. Bere helburua elkarkidetasun internazionala eta kulturarteko bizikidetza sustatzea da eskola esparruan eta aisialdian, eta hiriko ikastetxeetan matrikulatutako 14 eta 18 urte bitarteko gazteei zuzenduta dago.
2020-2024 helburuak
Plan estrategikoa
Matizek lau urtean behin ezartzen eta berritzen du bere plangintza estrategikoa, eta aldi bakoitzerako jarduera guztia markatuko duten ildoak eta jarduera-eremuak hautatzen ditu.
2020-24 laurtekorako hautatutako lehentasun estrategikoak honako hauek dira:
- Kultura-aniztasunaren kudeaketa
- Genero-berdintasuna, hezkidetza eta indarkeria matxistaren prebentzioa
- Aniztasun afektibo-sexuala eta genero-aniztasuna
- Garapen jasangarria
Gure plangintza lanak, halaber, urteko ekintza-planaren proposamen bat barne hartzen du, ekintza bakoitza amaitzean berrikusten dena, haren jarraipen eta ebaluazio zuzenerako beharrezkoak diren xehetasunekin batera.
