Sexuen arteko berdintasuna sustatzeko eta nerabe eta gazteen artean genero-indarkeria saihesteko gida.

Equality Matiz taldeak Bizkaiko Foru Aldundiaren, Eusko Jaurlaritzaren eta Kutxa Fundazioaren laguntzarekin egindako gida bat da, neska eta mutilen arteko berdintasunezko harremanak sustatu eta genero-indarkeria prebenitzeko interesa duten aisialdi eta denbora libreko taldeen hezitzaile arduradunentzat erabilgarria izateko sortua.

Horretarako, gaia aurkezten du, eta, ondoren, nerabeen eta gazteen taldeekin lan egiteko gako praktikoak ematen ditu.

Equality-k, gainera, “Lanabesen ontzia” eskaintzen du, gazteekin lan egiteko dinamika eta metodologia didaktikoekin, Internet bidez eskura daitezkeen baliabide pedagogikoekin eta beste profesional batzuekin harremanetan jartzeko aukerarekin, informazioa partekatzeko eta esperientziak trukatzeko.