duIN! Gatazkak era baketsuan konpontzea. Hezitzaileentzako baliabide eta esperientzia praktikoen gidaliburua

Matiz elkarteak, Gasteizko Udaleko Gazteria Zerbitzuarekin lankidetzan, duin! Gida argitaratu du. Gidaliburu hau katalogo birtual bat da, 12 eta 20 urte bitarteko gazteekin edozein hezkuntza-eremutan lan egiten duten gizarte- eta hezkuntza-eragileentzat. Helburua da gazteen arteko gatazken konponbide positiboari modu hurbil, eroso, parte-hartzaile eta berrian heltzea.

Gida hau gatazkari buruzko hurbilketa teoriko labur eta garbi batekin hasten da. “Lanabesen ontzia” eskaintzen du, gazteekin lan egiteko dinamika eta metodologia didaktikoekin, Internet bidez eskura daitezkeen pedagogia-baliabideekin eta beste profesional batzuekin harremanetan jartzeko aukerarekin, informazioa partekatzeko eta esperientziak trukatzeko.